旅行時美食當前，少不免大吃大喝，但返到香港見到腰間多了幾吋肥肉點算好?日本綜藝節目《世界一受けたい授業》就介紹最新5秒腹肌操，實測連續做兩星期，無需節食都可以減5cm腰圍，更可鍛練肌肉提升新陳代謝率，之後去旅行再食就不易肥喇。
做5秒腹肌操時要注意以下三點
1. 想像要壓扁空的鐵罐般用力向壓腹部。
2. 做運動時可嘗試講鼓勵說話，如「加油呀!要練到腹肌!」，有助集中精神練肌肉。
3. 要做「逆腹式呼吸」，吸氣時收肚，呼氣時放鬆小腹。
第一組動作
雙腿張開至肩膊寬度，曲膝身體微微向前傾，右手握拳放在胸前，左手垂下指地。
吸氣，身體向左扭，左手順勢指向上。
保持姿勢，用5秒緩緩吸氣。
重覆10次為一組，每日做三組。
第二組動作
先站直，拇指按在肚臍左右約3cm，邊輕按邊吸氣。
再用5秒時間，逐秒逐秒呼氣，最後一下用較長時間呼氣，用腹部力量推回拇指。呼氣時想像自己在吹氣球即可。
每日做3次。
第三組動作
平躺在地上，雙手握拳放在頸後，右腳放在左腳腳尖上。
用5秒時間，逐秒呼氣，每秒左右腳交替提腳向上。
腳到頂點時吸一口氣。
再逐秒呼氣，每秒左右腳交替慢慢放下腿。
做運動時想像腹部放了一碗熱湯，要保持平穩不讓湯倒瀉慢慢提腿。
每日做2次。動作簡單，就算酒店都可以做到!以後出遊就唔怕旅行肥啦。
